Basahin Mo Ito!

Hindi lahat ng nasa isip mo ay makakaya mo. Hindi ka supernaturals katulad nila Superman, Wonderman, at kahit sino pa mang MAN at mas lalo namang hindi ka si Underdog dahil hindi ka aso (may aso bang nakakapagpabasa?). May power ka man o wala (pwera lang ang kili-kili powers na iyong tinataglay sa mga panahong ito), tanggapin mo ang katotohanan na lahat tayo ay may kahinaan, na lahat tayo ay may kasiraan, at lahat tayo ay hindi kayang gawin anuman ang gustuhin natin. Katulad ko, isa ka lang ding normal na tao (makikiraan sa mga hindi matino mag-isip), may mata na kayang makabasa at mga ginuntuang mga daliri para ipangtipa sa bulok nang keyboard ng anumang computer na gamit mo. Ipagpasalamat mo iyan. Unang-una, hindi lahat ng tao ay may kakayahang gumamit ng computer. Pangalawa, may mga taong may kakayahan mang gumamit ng computer pero kulang ang mga kamay. Pangatlo, may kagustuhang pumunta sa computer shop pero hindi kaya dahil walang mga paa. Pang-apat, may mga taong hindi suportado ng mga magulang sa pagsusulat ng panitikan at binubulok ang kanilang mga talento sa kanila lamang mga isipan. Bakit hindi ito pagyamanin? Bakit hindi ito gamitin?
Magpasalamat ka! Una sa Diyos na nagpahiram sa iyo ng buhay, nagbigay ng iyong pamilya at mga mahal sa buhay. Pangalawa, sa iyong pamilya na pilit kang iniintindi sa kabila ng mga kamaliang iyong nagawa at patuloy ka paring inaalagaan, sinusuportahan at minamahal. Pangatlo, sa iyong mga kaibigan na through ups and downs ay hindi ka iniiwan. At pang-apat, sa AKIN na nagngangalang GRACE na walang ginawa kundi sayangin ang oras mo sa pagbabasa ng laman ng blog ko. Salamat na rin sa iyo! At sana'y subaybayan mo pa rin ako!