Kaysarap Umibig

Ang ibigin ka ay tunay na kaysarap
Sarap na umaabot hanggang alapaap
Alapaap na kinaroroonan tuwing tayo’y magkayakap
Yakap din ang pag-asa na tayo pa rin sa hinaharap.

Sintayog ng kawayan ang ating pagmamahalan
Pagmamahalan na kailanma’y hindi makakalimutan
Mawakasan man ay marahil sa kamatayan
Kamatayang hindi dahilan upang ika’y kalimutan.

Maraming problema man ang sa ati’y dumating
At lahat sila’y humadlang sa atin
Ating hangad lamang ay tanging kasiyahan
Kasiyahan na sa iyo lamang nararamdaman.

Kaysarap pakinggan ng tinig ng ‘yong puso
Puso mong sumisigaw at sa aking ay nangangako
Pangako na kahit kalian ay hindi sana maglaho
Maglaho tulad ng mga ibon at dahon sa puno.

Kaysarap mangarap kung ikaw ang kasama
Kasama ang isa’t isa sa pagbuo ng pamilya
Pamilyang mag-aaruga kapag tayo’y matanda na
Matanda ngunit hindi kailanman magbabago sa isa’t isa.