Paghihintay

Sa iyong pagdating ako’y naiinip

Laman ng isip sa bawat pag-idlip

Ramdam ko’y hangin sa bawat pag-ihip

Kasama’t kayakap ka sa aking panaginip.

Minuto’t segundo’y aking binibilang

Mga oras ng buhay ko’y handa sa iyo ilaan

Puso’t isip ko’y sa iyo lang inaalay

Kaya ako ngayo’y nagtitiis, naghihintay.

Malayo ka man, iyo sanang tandaan

Ako’y sa iyo at hindi ka iiwan

Kaysarap isipin ika’y kasintahan

Isang regalo, hulog ng langit mula sa Maylalang.

Maubos man ang bituin sa kalawakan

At ang taglay na liwanag ng reynang buwan

Maging ang init ni haring araw sa kalangitan

Nandito pa rin ako, hinding hindi ka bibitawan.

Sa iyong paglayo, huwag sanang maghanap

Ng ibang mamahalin na handang gumanap

Kalagayan ko sana’y iyong isipin

Mahabang paghihintay, handang tiisin.

Ako’y nasasabik sa yakap mo’t halik

Patuloy na maghihintay sa iyong pagbabalik

Aking mga panaginip sana’y magkatotoo

Makapiling ka sa buong buhay ko.